睇完記得留低你既CM呀!
Posts tagged WRO 2010
中四開學
九月 1st
暑假唔經唔覺咁過左,
黎到中四終於可以就住自己中意既科目黎修讀,
有好有唔好啦,可以修讀ICT應該都系我目標,
不過重新分班,昔日一起共渡已久既同學就要拆散曬系唔同班;
我去到C班感覺識既人唔多,未來3年如無意外都系一起ge啦,
真系要好好認識佢地,好好相處。
今日完左開學禮,處理下D班務就放學,
Miss Ng就黎搵我地佢睇睇個LEGO機械人點;
系由於早前部NXT突然傻左,無端端多左個程式,
但系我地無人寫過,不過運行之後部機就開唔到機,
結果都系要聽日搵番LEGO D人問。
一起食飯後,
番到屋企,見到驚上次考試戰亂後仲未處理凌亂既房間,
就有決定清一清之前D舊野。
執下執下,成間房都堆滿曬野,
甚至連中二D野仲系度,
果D都系之前我唔忍心扔既“資料”。
執野見番D中史、生物、物理、化學……既科目,
系未來基本上我已經唔洗再接觸佢地,
之前讀緊期間一直都幾渴望,
不過E+……感覺好似有D遺憾,
遺憾雖然只系一年,都無好好咁盡力讀好佢,
內心就系有D咁既矛盾。
之後見到數學,
當中幾本我地辛辛苦苦咁“完成”既堂課,
有幾分唔捨得扔左佢。
不過唔知點解呢,一去到英文默書薄我好決絕咁扔左,
真系望多面都唔多想,費事再見番咁壯觀既情況。
呢D功課、筆記除左真系做到有血有汗,
當中真系可以觸發諗起中三時大家既點點滴滴,
可能……真系失去先會黎珍惜…………
開始WRO2010競賽生涯
六月 21st
今日系初中最後一次考試既最後一日,
真系好呀!
系呢次考試既經歷有三部曲 -
『考試前,雄心壯志;考試時,玩物喪志;考試後,無哂鬥志。』
真系非常貼切呀。
算啦總算考曬~真系考完試我個人松曬,
早前Miss吳同我地商量參加個比賽,
名為:『國際奧林匹克機械人競賽(WRO)2101選拔賽』
真系長,又國際,又奧林匹克,好似好勁咁;
其實呢就系用LEGO去整個機械人再寫program去控制佢。
話曬都系我地第一次接觸呀,
真系又期待又驚……驚唔識玩,
所以睇睇到時進度先確定參唔參加。 More >
