為左裝備我地去做好朋輩輔導員呢份工，
學校就同“小童群益會”搞左個camp比我地，
呢個2日1夜既camp系系個“白普理營地”。

=================

第1日

=================

首先，我地系MTR集合先，
不過真系出師不利，
一出門已經ok趕啦，點知搭lift果落去果時，
去到地下，個門……開……定知，竟然卡機，
諗住大獲ge啦實困lift啦，
點知一個同搭既叔叔，
應該話系大力士，佢竟然將個門夾硬關番，
咁我地就上番F1，急急腳行樓梯算。
咁去到MTR啦，又黎多個壞消息Cici佢不幸病左，
差D就話取消，好彩就有其他人頂上呀。

出發去西貢，
分組，我就同冰、712、蛋撻、馮朗婷負責1E班
玩D task，就向北潭涌出發。
全程系咁玩澤偉部單鏡，好正呀～
搞到又心動了，想買部玩下，可惜唔舍得XP

落車後經多20分鐘路程，
行上營地，
途中有牛……青蛙……嚇親唔少女仔呀～。

上到去，
例牌營地簡介，
又玩game，
我地隊改左個好好既名呀，
就系 – “哈哈哈”，
個名太好系咁笑……笑……and笑，
成日笑，笑到肚又痛，笑到面又痛。
其實玩D game都系之前風紀玩果D多，
目的都系等我地熟D，溝通合作易D。

到左夜晚，
夜行！
我覺得好正架，刺激，
佢仲要蒙住眼，
好好彩我被推舉做帶路果個，唔洗蒙眼，
去果時就系一隊人，而回程就煮個人黎呀，
番去果時，靜中帶聲……幾得人驚，
不過系一個諗野既好好時間，幾舒服。

總算大家都順順利啦，
番到營地，玩，
男女系同一間房呀！
出咁多次camp第一次呀，
不過有塊板擋住。
到左夜晚，塊板比我地“打破”左，
有D女仔都過左黎男仔果邊玩，
玩killer，唔錯，接近通宵呀，
我就小睡左2、3個鐘，
有D人就真系通宵。

=================

第2日

=================

食過早餐後，
就開始最後一日既活動，
首先，黎個晨操做下運動，清醒下。
更著就開始“玩”，
都有幾多活動下，
有……殺手（唔記得個名，自己幫佢改）、
大腳八、同重頭戲 – 爬牆。

全個camp都系爬牆最具挑戰性呀，
一定要合作得好好，否則唔只上唔到，
仲有可能有意外添，
由於我之前都算做過類似既野（爬石），
所以就先發表下我D經驗開個頭啦，
不過由於上次舊石無呢個約4米高既牆咁過分，
D意見作用唔大。
經過大家通力合作，
我地準時完成，
都算可喜可賀！

完左食過午餐後，
大家聚首HALL做番個總結，
大家真系好謙厚，
互相多謝，
本來大家，各自唔同班，
不過經過今次既camp相信大家都對彼此了解等都多左，
呢個就系個camp既目的吧！

—————————————————————————————————————-

講咁番今次既活動，
我覺得好多都同之前童軍上過既“領導才能訓練班”好似呀，
目的都系令之間關係更好、令你變個有勇氣、處理難題等……
講起都參加過唔少呢D訓練班，
可惜可能真系為能真系吸收再同步發揮到呀……