C家Blog
睇完記得留低你既CM呀！
朋輩輔導員訓練營
七月 7th
為左裝備我地去做好朋輩輔導員呢份工， 學校就同“小童群益會”搞左個camp比我地， 呢個2日1夜既camp系系個“白普理營地”。
=================
第1日
=================
首先，我地系MTR集合先， 不過真系出師不利， 一出門已經ok趕啦，點知搭lift果落去果時， 去到地下，個門……開……定知，竟然卡機， 諗住大獲ge啦實困lift啦， 點知一個同搭既叔叔， 應該話系大力士，佢竟然將個門夾硬關番， 咁我地就上番F1，急急腳行樓梯算。 咁去到MTR啦，又黎多個壞消息Cici佢不幸病左， 差D就話取消，好彩就有其他人頂上呀。
開始WRO2010競賽生涯
六月 21st
今日系初中最後一次考試既最後一日， 真系好呀！ 系呢次考試既經歷有三部曲 - 『考試前，雄心壯志；考試時，玩物喪志；考試後，無哂鬥志。』 真系非常貼切呀。
算啦總算考曬～真系考完試我個人松曬， 早前Miss吳同我地商量參加個比賽， 名為：『國際奧林匹克機械人競賽（WRO）2101選拔賽』 真系長，又國際，又奧林匹克，好似好勁咁； 其實呢就系用LEGO去整個機械人再寫program去控制佢。
話曬都系我地第一次接觸呀， 真系又期待又驚……驚唔識玩， 所以睇睇到時進度先確定參唔參加。 繼續閱讀 »
初中最後一日正式上課天
六月 4th
今日系名義上都算初中系最後一日既上課天，
跟住落黎就系決定我地升班既考試，
兩個星期既長征，
過左就可以好好享受D活動；
希望真系可以乖乖地咁溫兩個星期書。
今日都系好hea咁上堂，
好愉快咁過左日。
SKC童軍露營技能比賽
五月 23rd
童軍先鋒工程訓練班@基維爾營地
四月 11th
10/4
四月 9th
放完假後番學第一日…… 訓晚一如以往又系做D功課做到三間半夜， 每次有假放都系咁…… 每次都想改左呢個壞習慣， 每次都唔得， 每次都希望可以自己做， 每次都又系唔得， 每次都系有種種既理由同借口， 每次都系自己騙自己， 每次都系掛住玩……
雖然系明白想要好成績，就要做多Dge啦， 不過總系提唔起呢股“勁”呀。 回想系中一果時自己訂立即目標， 透過自學好好學習編程語言，但系，拖拖拖！ 已經拖到E+都未開始我既“大計”，買落既書已經out左幾個版本， 書就買左好多啦，一本都完整睇曬。
童軍領導才訓練班@長洲白普理營
三月 28th
系27到28號，入左童軍領導才訓練班最后既訓練2日1夜長洲宿營， 我地既宿營地點系長洲， 首先一早搭床船去長洲， 快船……真系好快，搖到暈曬浪。
到左長洲之后， 就開始第一個活動， 城市定向，走篇長洲，E+對長洲真系熟曬呀 ， 我地原本系玩下完下咁行， 點知搵下又多個搵下又多個， 途中仲偷食 ， 點知，去到最后我地以合格多10分贏左， 真系好彩 。
最膠之禮物
三月 24th
前幾日放學後， 同埋澤偉去制作一份比個好膠既人既一份好膠既禮物， 絕非一般人可以承受， 澤偉真系好野， 佢仲講左句，為左果個人無所謂啦～（襯番佢呀）
首先， 拎住一張HKD$20蚊既紙幣，走去銀行硬住頭皮咁問可唔可以唱成$10， 好彩都唱到，不過銀行話無新紙。 跟著， 去番葵廣搵見影相鋪，拎住$10蚊紙，問可唔可以過膠， 個老板都猶豫左好耐，一張膠既$10蚊究竟過唔過到膠， 佢重新，過唔到唔關佢事架 夾上膠紙後，擺入去啦…… 好好彩張膠錢無事仲過得唔錯， 走過時個老板仲問：”張錢有咩特別呀，要過膠……“ 我地一起答～”好特別架！“
童軍領導才訓練班@lesson 3
三月 21st
半條命…都冇之blog
今次系領導才第三次上堂， 一朝，拖住疲累既身軀去新界地域上堂， 都系因為尋晚夜訓啦……。
去到報到後做D例牌動作，檢查制服果D； 上課室，開始一大輪既課堂， 隊長職責……溝通……討論……會議…… 系咁上堂……座到人都散呀。
一直到1點幾，夠鐘出去做之前plan既活動先可以脫離呀； 我地既目的地系『三棟屋博物館』， 咁就搭車去荃灣， 由于我地肚餓～就改改plan去食野先 一個鐘後……往三棟屋出發， 三棟屋size就唔系咁大，要行差唔多2個鐘真系有D難道， 我地就慢慢行，慢慢影； 開始偷拍大戰爭！ 大家有相機既就用相機，無就用手機， 系咁捕人，系咁影， 三棟屋就成為個戰場，番黎睇番，先發覺不知不覺影左接近300張相。
風紀領袖生訓練 & 領導才訓練班
三月 11th
今日去左成為風紀後必修既『領袖生訓練』， 呢個訓練，一共3次，接著落黎既星期六都有訓練。
今日第一次題目系“破冰行動”， 就系玩下D團體游戲去認識下大家， 成班人一起玩下，唔錯幾好。 系part自我介紹互相認識就好笑啦， 每人介紹自己，咁Miss就問下人聽唔聽到， 雖然D人講到好細聲呀，不過我都答得好齊好好， 點解呀……因為我地都系3B ge lor，有八成人都系3B基本上我地都識曬， 仲鬼咁熟，呢D game邊難到我地呀～
